Plantun de Prouvènço

Pèr coumpara dos planto d'encò nostre

Ophrys passionis & Typha laxmannii

Ophrys passionis

Orchidaceae

Nom en français : Ophrys de la passion.

Descripcioun :
Aquest Ophrys fai parti dóu group dis aragno. Es uno meno pulèu coumuno dins la garrigo e li tepiero seco de Prouvènço de tremount. La petalo d'en bas (labreto) èi sourno e tant larjo que longo. Lou ginostème fai un angle de 40 à 70° emé la labreto ço que fai la diferènci emé Ophrys exaltata (70 à 90°). Ophrys aranifera à lou champ de la baso de la labreto mai clar.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 40 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Ophrys
Famiho : Orchidaceae

Ordre : Asparagales

Coulour de la flour : Brunello
Petalo : irreguliero
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Champ - Tepiero seco - Garrigo
Estànci : Termoumediterran à Coulinen
Couroulougi : Pancaro entresigna
Ref. sc. : Ophrys passionis Sennen, 1926

Fielouso(-de-Laxmann)

Typha laxmannii

Typhaceae

Àutri noum : Filouso, Sagno, Masseto.

Nom en français : Massette de Laxmann.

Descripcioun :
Aquesto fielouso o sagno trachis dins li roubino e en ribo d'aigo. La planto es eici pas tant verdalo que si cousino. Pèr la destria mai seguramen fau regarda li fueio que fan de 2 à 5 mm de larg, aleva aquéli di rejit que podon faire fin qu'à 8 mm. Causo impourtanto, lis auriheto di fueio d'en aut soun bèn marcado emé souvènt de pichòti pouncho (vèire la fotò).

Usanço :
Li fueio de fielouso podon èstre utilisado rempli li matalas. Se saup mens que li brout soun manjadis coume d'espargo. Se pòu faire de farino emé li racino e uno meno de pan emé l'agriero.